Алақай! Қазір, біздің табиғат сүюшілеріміз күздік демалыста... Ал біздің басты мақсатымыз, олардың бос уақытын пайдамен тиімді өткізу болып табылады. Бесінші қарашада біз, жас өлкетанушылар «Медеу» мұз айдынына сырғанауға бардық. Біздің табиғатымыздың сұлылығына тояр емеспіз. Ауа-райының еркелігіне қарамастан, уақытымызды керемет өткіздік.
Тарихына көз жүгіртсек, «Медеу» мұз айдыны 1972 жылы бой көтеріпті. Бас архитекторы – Владимир Кацев. Жалпы «Медеу» деген атау, тарихшылардың сөзіне сенсек, мұз айдын орналасқан шатқалға қазаққа танымал Шапырашты Пұсырман батырдың ұлы Медеудің есімі берілген деседі. «Медеу» мұз айдыны теңіз деңгейінен 1691 м. биіктікте орналасқан. Талай тарихи сәттердің куәсі болған алып мұз айдынында коньки, хоккей, мәнерлеп, сырғанау бәсекелері өткізілген. Міне, біздің алғашқы демалысымыздың тынысы осындай.
«Биік шың, шырша – таулардың көркі, байлығы,
Ұмытар мұнда келгендер мұң мен қайғыны.
Делебең қозып тұрасың елтіп, бұл жерде
Жарқырап жатқан шақырып мұздың айдыны» - деген өлең сөздерімен аяқтағым келіп тұр!
 
| 
