Жуырда жас натуралистер станциясында Халықаралық қорықтар мен ұлттық парктер күніне арналған «Қазақстан маржандары» атты экологиялық ойын өтті. Ойынның басты мақсаты қазіргі таңда қорықтар мен ұлттық парктердің маңыздылығы мен қазіргі экологиялық ахуалды оқушыларға жеткізу болды.
Ойын алты бөлімнен, олар: «Географиялық орны» - ерекше қорғауға алынған аумақтарды картадан көрсету, «Кім жылдам» - капитандар сайысы – белгіленген уақыт ішінде сұрақтарға жауап беру, «Дұрыс таңдау жаса» - әр қорықтың ерекше қорғайтын нысанын дұрыс таңдау, «Төртінші артық» төрт суреттің ішінен мағынасы бір топты біріктіріп, артығын алып тастау, «Қызыл кітап» - карточкадағы сұрақтарға жауап беру, «Экологиялық белгілер» тауда жүріп-тұру ережесі туралы экобелгілер жасау.
Ойынға жеті топ қатысып, ойынның қорытындысы бойынша, көбіне балалар әр сайысқа қызыға қатысып, өз білімдерін көрсете алды. Соңында жеңімпаздар марапатталып, кішігірім буклеттер мен табиғатта жүру ережелері туралы брошюлар таратылды.
 
 
|
