24 -ші ақпан күні Жас натуралистер станциясының табигат сүюшілері мемлекеттік жасөспірімдер кітапханасына жыршы, ақынымыз Жамбыл Жабаевтың 170 жылдық мерей тойына арналған, «Жыр алыбы - Жамбыл» атты әдеби кездесуге барып қайтты. Кітапханашы Роза апайымыз Жамбыл атамыздың кітаптарымен, өмір баянымен таныстырды. Біздің де оқушылар жамбыл атамыздың мерей тойына құр алақан барған жоқ, атамыздың өлеңдерінен жыр толғауларынан үзінділерін оқыды. Атап айтсақ: Бекбосын Сымбат Жамбыл атамыздын «Шын жүректен» өленін, Сапишева Арайлым «Өсиет», Абдуллаева Нигина «Ленинградцы дети мои», Тулеймесов Асылжан «Менің өмірім», Сұлтанбек Санжар «Алатау», өлеңдерін оқып және де басқа оқушылар жамбылдың өлеңдерін тамсандыра оқыды. Кітапхашы апайларымыз балаларға кітап, журналдарды сыйға тартты. Осындай алып тұлғаларымызды қаншама жылдар өтсе де еске алып ұмытпай, өлеңдерін сүйсіне оқитын балаларымыз бізді әрқашанда қуантады. М. Жұмабаев ақынымыз жырлағандай «Мен жастарға сенемін» дегендей біздің де болашақ ұрпаққа сеніміз мол!
 
|
