12 желтоқсан сағат 14.30 да Жас натуралистер станциясының мәжіліс залында Тәуелсіздік күніне арналған «Елім менің» атты патриоттық ән жарысы өтті. Жарысқа бес бөлімнің табиғат сүюшілері қатысты. Жарыс салтанатты түрде Қазақстан Республикасының ән ұранымен ашылды. Содан соң көрермендерге тәуелсіздікке арналған викториналық сұрақтар қойылды. Балалар өте жақсы жауап берді. 6 топ ортаға шықты. Әр топтың ұрандалған аты болды. Жарыс жереби бойынша өтті. Байқаудың шарты: Бірінші топ патриоттық әннің бір шумағын толығымен айтса, екінші топ басқа патриоттық әнмен жалғастырды. Бір орындалған ән екінші рет қайталамауы тиіс. Егер қайталаған кезде топты ортадан шығарады. Патриоттық ән байқауының басты тақырыбы: Отан, Қазақстан, Туған жер, Әсем қала –Алматы және Ақордамыз Астана туралы өтті. Осындай шартпен патриоттық ән байқауы өте қызық және қызуқанды боп өтті. Ортаға 58 патриоттық ән шырқалды. Ең ғажабы балалар совет кезінде айтылған әндер және 21 ғасырдың патриоттық әндерін ортаға салып жырлады. Оқушылармен бірге ұстаздарда қосылып ән салды.Н.Островский атындағы зағип және нашар көретін балаларға арналған №4 мектеп интернатыда үлестерін қосты. Олар ұстаздарымен бірге қосылып өздерінің бар шығармашылығын ортаға салып, барлық қатысушыларға кітапты сыйға тартты.
 
|
