Әр бір адам жас ерекшелігіне қарамастан саяхаттауды ұнатады. Міне бізде "Экология және адам денсаулығы" бөлімінің, «Қоршаған орта және адам денсаулығы» үйірмесінің 6-сынып жас натуралистері мен «Бізді қоршаған химия әлемі» үйірмесінің 8-сынып жас натуралистері 18.05.2014 жылы "Қаскелең сай бөктеріне" саяхатқа шықты. Онда жас натуралистер биік-биік таулар, жайқалған әсем гүлдері, жап-жасыл шыршаларын тамашалап, таза ауда көптеген ойындар ойнады . Таудың әсем табиғатына балалар көптеген суреттерге түсті. Өздері табиғат аясында от жағып, тамақ пісірді.
Сөзбен айтсаң кәдімгі тау, күнде қаламызда көріп жүрген шыршалар сиақты. Расымен де, өз көзіңмен көрген нәрсенің әсері өзгеше болады екен.
Жас натуралистер "Қаскелең сай бөктері" тауына жақындағаннан бастап таза ауасымен терең тыныстап, еркіндікті сезінетіндерін айтты. Айналаға қарасаң, көзің қуанады.
Табиғаттың әсемдігіне таң қалып, «Табиғат сені сүйеміз, Басымызды иеміз!» деген ұранмен өз өлкеміздің өсімдіктерін қорғау, оларды жұлмау, таптамау, кез-келген жерге қоқыстар лақтырып, ауаны ластамау, үнемі аялап жүру бәріміздің міндетіміз деген ойда қалды.
Автор: Есқожаева Ж.
 
|
