Қазақстанның
биоалуан түрлілігін сақтау ассоциациясының ұйымдастыруымен Қазақстандағы екінші
мәрте өткен «Алматылық күз» атты орнитологиялық жарысқа жас натуралистер станциясынан 4 топ
белсене қатысты.
2 қазан күні сағат 10.00-де «Сорбулак көлдер жүйесі»
орнитологиялық аумақта жас натуралистер станциясының атынан «Сұңқар», «Ұлар»,
«Біз құстардың досымыз 1», «Біз құстардың досымыз 2» топтары жарысқа белсене қатысты.
Қатысушылардың басты мақсаты: берілген 3 сағаттың ішінде құстарды бақылау,
суретке түсіру және атауын анықтау болып табылды. Жарыс жас ерекшеліктеріне
шектелмей, біліктілігіне қарай «жас тәлімшілер» және «шеберлер» категорияларына
бөлінген. Қатысушылар дүрбі, құстарды анықтау құралы, фотоқұрылғы және дала
жазбаларын жүргізуге қажетті күнделіктерімен қоса, телескоп, сапарға шығуға
қажетті құралдармен жабдықталған.
Жарыстың шарты түсіндірілгеннен кейін әр
топ құстарды анықтауға шықты. Сағат 13.00-де қорытындылау сараптамасы
жүргізіліп, сыйлықтар таратылып, Жас натуралистер станциясы топтары белсенді
қатысқаны үшін құрмет дипломдарымен марапатталды. Балаларға бұл жарыс өте ұнап,
бедвочерге (құстарды бақылаушы) қызығушылығы арта түсті десек артық айтпаспыз!
