" Арулар-асыл жандар "
9-наурыз күні Жас натуралистер станциясында, 8-наурыз Халықаралық әйелдер күіне орай " Жас аквариумистер " мен " Бізді қоршаған химия әлемі " үйірмелерінің ұйымдастыруымен "Арулар-асыл жандар" атты мерекелік іс-шара өтті. Оған барлық үйірмелерден 5 және 8 сыныптар арасынан қыздарымыз қатысып бақтарын сынады. Жалпы шара 6- кезеңнен тұрады.
1 - кезең. «Сәлем – сөздің атасы» – деп аталады, әр ару өзін - өзі таныстырады.
2 - кезең. «Актерлік шеберлік». (Мұнда қыздарымыз қорапшадан жұмбақ сөздерді алып, сол сөзге қажетті заттарды тауып, өз өнерін көрсетеді. Мысалы: мода-шляпа, очки, сумка т.б. )
3- кезең. «Өнерлі өрге жүзер», әр ару өз өнерлерін көрсетеді. (Барлық өнер түрлері жатады, оның ішінде ән, би, мәнерлеп оқу немесе қолөнерлер).
4-кезең. "Тыңшы қыз" (аруларымыздың тапқырлығы, зейінділігі анықталады).
5 - кезең. «Сәндік өнер», кезеңінде әрбір үміткерлерге бір-бірден шляпалар беріледі. Өз ойы бойынша бас киімді сәндейді.
6-кезең. " Қожайыны" (аруларға берілген тамаққа қосатын өсімдіктерді қолымен ұстап және иісін искеп қандай өсімдік екенін табу керек).
Сайыс барысында барлық қыздарымыз өнерлі екенін, сайысқа барынша дайындықпен келгендігін байқатты. Олай дейтін себебіміз, таныстыруын айтпағанда бірі бұрала би билеп жатса, бірі әсем әуенімен көрермендеріміздің көзайымына айналса, тағы бірі Фариза Оңғарсынова апамыздың "Мама" өлеңін нақышына келтіре орындап көзге жас ұялатты.
"Тыңшы қыз" кезеңінде қыздарымыз барынша жылдамдығы мен зейінділігін көсетсе; «Сәндік өнер» кезеңінде өздеріне берілген шляпаларды белгілі уықыт аралығында барынша сәндеп шықса, ал "Қожайын" кезеңінде ұсынылған көкеністердің иісін искеп, қандай өсімдік екенін ажырата білді.
Қортындылай келе, сайыс барысында аруларымызға көрсеткен нәтижелері бойынша түрлі номинациялық мадақтамалар табысталды.
 
| 
